افتح الرابط وبتشوف شاشة قفل ماك: تاريخ، ساعة، وحساب تضغط عليه وتدخل. هذي مو صورة ولا فيديو، هذي صفحة ويب تشتغل. والاغرب؟ اللي كتب كودها كامل وكيل ذكاء اصطناعي.
الموقع اسمه macOS 27 (نسخة خيالية ما نزلت اصلا)، بناه وكيل Kimi من شركة Moonshot الصينية كعرض لقدراته. مجاني بالكامل، بدون تسجيل وبدون تحميل، يفتح من اي متصفح.
اول ما تدخل
سطح مكتب كامل: ويدجتات طقس واسهم وتقويم وتذكيرات، ودوك فيه اكثر من 20 تطبيق بايقوناتها الملونة، وحتى ارقام الاشعارات الحمرا فوق الرسائل والبريد. الشريط العلوي يتغير حسب التطبيق المفتوح، نفس تصرف الماك الحقيقي بالضبط.
التطبيقات مو ديكور
هذا اللي فاجاني فعلا. فتحت تطبيق الملاحظات ولقيت محرر كامل: مجلدات ووسوم، تثبيت ملاحظات، تنسيق عريض ومائل وقوائم وجداول، وحتى تصدير الملاحظة بصيغة Markdown. مو واجهة شكلية، تكتب وتنسق وتحفظ فعليا.
وFinder نفس الشي: شريط جانبي كامل بالمجلدات والوسوم الملونة، 4 انماط عرض، وسلايدر تكبر فيه الايقونات. جرب كذا تطبيق ثاني وكلها تفتح نوافذ تنسحب وتتصغر وتتقفل.
القصة الحقيقية ورا الموقع
محاكيات ماك بالمتصفح موجودة من سنين، بس كانت مشاريع مبرمجين قضوا شهور عليها. الجديد هنا ان كل هذا طلع من وكيل ذكاء اصطناعي ببرومبت. الصفحة نفسها اعلان لقدرات Kimi طبعا، بس كاثبات على وين وصلت وكلاء الذكاء الاصطناعي ببناء الواجهات، مقنع جدا.
اسئلة شائعة
هل هو نظام ماك حقيقي؟
لا، محاكاة للواجهة داخل المتصفح. ما تقدر تثبت برامج حقيقية او تحفظ ملفات على جهازك منه.
يشتغل على الجوال؟
يفتح، بس التجربة مبنية للشاشات الكبيرة. جربه من كمبيوتر عشان تاخذ التجربة كاملة.
مجاني؟
بالكامل، وبدون تسجيل. تفتح الرابط وتلعب على طول.
وش هو Kimi؟
مساعد ذكاء اصطناعي صيني من شركة Moonshot AI، له وضع Agent يبني لك مواقع كاملة من طلب واحد، وهذا الموقع احد عروضه.
الخلاصة
ما راح تستخدمه يوميا، بس يستاهل 5 دقايق تلعب فيه وتشوف وين وصلت الادوات. ولو عجبتك الفكرة، جربنا قبل شي شبهها: تجربة توزيعات لينكس كاملة من المتصفح بنفس الاسلوب.
الرابط : macos27.kimi.page
