تبي تفتح تيك توك او انستقرام على الكمبيوتر بس تكره نسخة الويب الناقصه؟ برنامج WebCatalog يثبت لك تطبيقات الجوال على الكمبيوتر بواجهتها الكامله زي الجوال بالضبط, وبدون ما يطلب تسجيل دخول كل مره. بشرح لك كيف, مع فيديو عملي بصوتي.
WebCatalog برنامج مجاني يحول مواقع وتطبيقات الويب الى تطبيقات مستقله على سطح المكتب, لها ايقونه خاصه ونافذه لحالها بعيد عن زحمة تبويبات المتصفح. عندهم مكتبه فيها مئات التطبيقات جاهزه: تيك توك, انستقرام, واتساب, ChatGPT, يوتيوب, وغيرها كثير.
الميزه اللي تفرق فعلا : واجهة الجوال الكامله
هنا نقطة القوه. لما تفتح تيك توك في WebCatalog, يطلع لك بواجهة الجوال الكامله: الاكسبلور والاستكشاف (For You) يشتغلون زي جوالك بالضبط, مو نسخة الويب المبتوره اللي تفتقد نص المميزات. نفس الشي مع انستقرام: تتصفح وتستكشف بتجربة الجوال الحقيقيه على شاشتك الكبيره.
والاحلى: جلستك محفوظه. ما يطلب لك رساله تحقق ولا تسجيل دخول كل مره تفتحه. تفتح التطبيق وتلقى نفسك داخل حسابك على طول, كأنك ناقل جوالك للكمبيوتر. هذي وحدها تخليه مثالي للبحث والتصفح المطول.
ليش تستخدمه؟
- واجهه كامله: التطبيق زي الجوال, مو نسخة ويب ناقصه.
- بدون ازعاج: جلسه محفوظه, بدون تحقق متكرر.
- نافذه مستقله: ايقونه خاصه, بعيد عن زحمة التبويبات.
- تنظيم: تجمع تطبيقاتك في مساحات (Spaces) وتفصل حساباتك.
كيف تثبت تطبيقات الجوال على الكمبيوتر بـ WebCatalog
شرحت الطريقه كامله بالفيديو, شوفه وبعدها كمل:
الخطوات باختصار:
- حمل WebCatalog من موقعه الرسمي وثبته.
- افتحه وروح لقسم Apps, بتلقى مكتبه كامله.
- دور عن التطبيق اللي تبي (تيك توك مثلا) واضغط Install.
- سجل دخولك مره وحده, وبعدها يفتح جاهز كل مره.
ولو هدفك تحديدا تجميع تطبيقات المحادثة (واتساب, تيليقرام, ديسكورد) في نافذه واحده, فيه بديل متخصص افضل لهالغرض: برنامج Ferdium لجمع تطبيقات التواصل.
نقطه بصراحه : حدود النسخه المجانيه
WebCatalog مجاني, بس النسخه المجانيه محدوده بعدد تطبيقات ومساحات قليله (تقريبا تطبيقين ومساحتين). لو تبي عدد غير محدود ومميزات زياده (حاجب اعلانات, قفل تطبيقات) تحتاج الخطه المدفوعه. لكن للاستخدام البسيط (تيك توك وانستقرام مثلا), المجاني يكفي.
اسئلة شائعة
هل WebCatalog مجاني؟
نعم مجاني, بس النسخه المجانيه محدوده بعدد تطبيقات قليل. المميزات الكامله تحتاج اشتراك.
هل تيك توك يشتغل بواجهة الجوال؟
نعم, هذي اقوى ميزه فيه: التطبيق يفتح بواجهته الكامله زي الجوال, مع الاكسبلور والاستكشاف.
يشتغل على ماك ولينكس؟
نعم, WebCatalog متوفر لويندوز وماك ولينكس.
يطلب تسجيل دخول كل مره؟
لا, يحفظ جلستك, فتسجل مره وحده وبعدها يفتح جاهز.
الخلاصه
WebCatalog افضل طريقه تثبت فيها تطبيقات الجوال على الكمبيوتر بواجهتها الكامله, خصوصا تيك توك وانستقرام, مع جلسه محفوظه بدون ازعاج. جرب المجاني اول, وترقى لو احتجت تطبيقات اكثر.
الرابط : webcatalog.io
