ايموجي ويندوز شكلها مختلف عن ايموجي ابل، ولما ترسل ايموجي من الكمبيوتر يوصل شكله غريب للي يستقبله. الحل انك تبدل خط الايموجي بخط ابل نفسه، مجانا وبدون ما تحذف شي من نظامك.
الخط تاخذه من مشروع مفتوح المصدر يطلع تحديثات مع كل نسخة ماك، وتوجه ويندوز له بسطر واحد. بعدها كل الايموجي في كل البرامج تصير بشكل ابل.
شرحت الطريقة كاملة بالفيديو : youtube.com/watch?v=01ho_gGqXv0
ليش هذي الطريقة بالذات
- ما تحذف شي: اغلب الشروحات تقول احذف خط ويندوز، وهذا يفشل لان النظام يقفل الملف. هنا تحط الخط الجديد جنبه وخلاص.
- ترجع بسطر واحد: خطك الاصلي باقي مكانه، فما تحتاج نسخة احتياطية ولا اصلاح نظام.
- محدثة دائما: المشروع يطلع نسخة جديدة مع كل تحديث ايموجي من ابل.
- مجانية بالكامل: مفتوحة المصدر وبدون اي برنامج وسيط.
كيف تبدا؟
نزل ملف AppleColorEmoji-Windows.ttf من صفحة اصدارات المشروع، وافتح باور شيل كمسؤول، ونفذ الاوامر بالترتيب.
الامر الاول : ينسخ خط ابل الى مجلد خطوط ويندوز، جنب الخط الاصلي وبدون ما يحذفه. غير basim لاسم المستخدم حقك في الجهاز، او حط مسار الخط الي نزلته.
copy "C:\Users\basim\Desktop\AppleColorEmoji-Windows.ttf" "C:\Windows\Fonts\AppleColorEmoji-Windows.ttf"الامر الثاني : يوجه ويندوز يقرا الايموجي من الخط الجديد بدل القديم. بعده سو اعادة تشغيل كاملة وبتلاقي الايموجي تغيرت.
Set-ItemProperty -Path "HKLM:\SOFTWARE\Microsoft\Windows NT\CurrentVersion\Fonts" -Name "Segoe UI Emoji (TrueType)" -Value "AppleColorEmoji-Windows.ttf"الامر الثالث : لو حبيت ترجع لايموجي ويندوز باي وقت، هذا يرجع التوجيه للخط الاصلي، ثم اعادة تشغيل.
Set-ItemProperty -Path "HKLM:\SOFTWARE\Microsoft\Windows NT\CurrentVersion\Fonts" -Name "Segoe UI Emoji (TrueType)" -Value "seguiemj.ttf"
اسئلة شائعة
سويت كل شي وتويتر ما تغير؟
تويتر وديسكورد وواتساب ويب يعرضون الايموجي كصور من عندهم مو بخط نظامك، فهذي ما راح تتغير ابدا. جرب بالمفكرة او بيوتيوب عشان تتاكد.
تغيرت ببعض البرامج وباقية قديمة بغيرها؟
ويندوز مخزن نسخة جاهزة من الخطوط ولازم تنظفها. افتح باور شيل كمسؤول ونفذ هذي الاوامر ثم اعادة تشغيل.
Stop-Service FontCache -Force
Remove-Item "$env:WinDir\ServiceProfiles\LocalService\AppData\Local\FontCache\*" -Recurse -Force -ErrorAction SilentlyContinue
Remove-Item "$env:WinDir\System32\FNTCACHE.DAT" -Force -ErrorAction SilentlyContinue
Start-Service FontCacheتحديثات ويندوز ترجع الايموجي القديمة؟
احيانا التحديثات الكبيرة ترجع الاعداد لاصله، وقتها تعيد الامر الثاني بس وترجع الايموجي زي ما كانت.
الخلاصة
لو تضايقك ايموجي ويندوز وشكلها القديم، هذي اسرع طريقة تغيرها وبدون ما تخاطر بنظامك. ولو تبي تخصص شكل ويندوز اكثر، جرب Lively Wallpaper للخلفيات المتحركة.
رابط المشروع والخط : github.com/samuelngs/apple-emoji-ttf
